திருமதி. நித்யஸ்ரீ மகாதேவனுடன்...

'சர்வம் சாயி மயம்' எனும் எனது முதல் குறுந்தகட்டின் முதற் பாடலை பாடி பெருமை சேர்த்தவர் நித்யஸ்ரீ அவர்கள். 'தீராமல் எரிகின்ற துனி' எனும் அந்தப் பாடற் பதிவின் போது எடுக்கப்பட்டது. உடன் இருப்பது இசையமைப்பாளர் திரு.குருபாத், நண்பர் மற்றும் கவிஞர் சேலம் செந்தில்குமார். அவரும், இந்த சி.டி.யில் 4 பாடல்களை எழுதியுள்ளார். எனக்கு வாய்ப்பு கொடுத்ததும் அவரே ! நன்றிகளுடன்...!

திரு ஓ.எஸ்.அருண் அவர்களுடன்...

காஞ்சி மகான் ஸ்ரீ சந்திரசேகர சரஸ்வதி ஸ்வாமிகள் மீதான எனது புதிய குறுந்தகடில் 'பெரியவா என்னும் சொல்லுக்கே' என்ற பாடலை அருமையாகப் பாடிக் கொடுத்தார். அதோடு, பாடல் வரிகளின் எளிமையையும், வலிமையையும் மனதார பாராட்டி, தன் கச்சேரிகளில் பயன்படுத்த அனுமதியும் கேட்டுக்கொண்டார். அவரது பணிவுக்கும், பண்புக்கும் எனது நன்றிகள் !

'மாயநதி' புகழ் அனந்துவுடன்...

'ஸ்ரீ சந்திரசேகரா ! சங்கரா !' என்னும் சி.டி.யில் 'சந்திரசேகரன் சிவனும்..' எனத் தொடங்கும் சாருகேசி ராகப் பாடலை தன் கணீர் குரலில் அழகு சேர்த்தார். அவரது எளிமையும், இசை ஞானமும் கண்டு வியந்தேன்.