ஆல்பம்: ஷீரடி சாய் நாதம்

பாடியவர்: திரு. ராகுல்

எழுதியவர்: பி.ஸ்ரீதேவிபிரசாத்

————————————————————————–
வேப்ப மரத்தடியிலே தோன்றி வந்த வேந்தனே !

வேதனைகள் தீர்த்தருளும் வைத்யநாதனே !

கற்பகமே ! கண் கலங்கி மெய் சிலிர்க்கும்….!

அற்புதமான உன் லீலைகளைக் கேட்டிடவே !

———

ஈரேழு ஆண்டாக…

கடும் வயிற்று வலியாலே…

பெரும் இன்னல் உற்றாரே தத்தோபந்த் என்பாரும் !

ஈரேழு உலகாளும் சாயீசனே !

உன் திருக் கரத்தாலே… உதி தந்து வலி தீர்த்தாய் !

உன் மகிமை போற்றி ! போற்றி !

————

ஊருக்குப் பொதுவான…

தானியக் கிடங்கினிலே..

தீவிபத்து நிகழுமென முன்கூட்டியே அறிந்தாய் !

சீரான வழிகாட்டும் குருநாதனே !

சிறிதளவு நீர்தெளித்து…பெருந்தீயை அணைத்தாயே !

உன் லீலை போற்றி ! போற்றி !

————

சோதிக்க வந்தவனை

அவன் தந்தைக் குரலினிலே…

ஏன் வந்தாய் எனக் கேட்க…நிலை குலைந்து போனானே !

ஜோதிவடிவானவனே…ஜகன்நாதனே !

உன் திருவுளத்தால்… பிழை பொறுத்து அருள் கொடுத்தாய் !

உன் கருணை போற்றி ! போற்றி !

———–

Leave a Reply

Your email address will not be published. Required fields are marked *